A Concellería de Economía, Facenda, Emprego e Promoción Económica do Concello de Ourense, porá en marcha a partir de setembro unha nova edición do Proxecto Auria Inserta, que incorpora dous novos ciclos formativos: Montaxe e Mantemento de Instalacións Solares e Fotovoltaicas; e Montaxe e Mantemento de Instalacións Solares Térmicas, ambas en colaboración coa Fundación Laboral da Construcción. Incorpóranse ás xa ofertadas o ano pasado, centradas en actividades sociosanitarias e coidados a persoas dependentes: Atención socio-sanitaria a persoas no domicilio, Atención socio-sanitaria a persoas en institucións sociais, Coidador de grandes dependentes, e Procesador de catering para persoas dependentes. Cada curso oferta un total de 20 prazas.

Este Proxecto pretende realizar unha oferta formativa, conxugando coñecementos teóricos con actividades prácticas. Os destinatarios desta oferta son os colectivos con máis dificultades para a súa inserción no mercado laboral: mulleres, inmigrantes e emigrantes retornados, menores de 30 anos, parados de longa duración ou persoas en proceso de rehabilitación ou reinserción laboral, entre outros.

Dende o ano pasado, ofrécese a estes colectivos a posibilidade de recibir formación específica sobre diferentes áreas, compatibilizando as clases teóricas con prácticas en empresas e coa posibilidade de recibir titoración sociolaboral de maneira individual. En función da situación económica dos participantes, éstes poden optar tamén a unha beca económica próxima ós 400 euros mensuais durante a duración do curso. O financiamento do proxecto é compartido entre o Concello de Ourense e o Fondo Social Europeo, e ascende a un total de 1.785.754,20 euros para o periodo 2008-2011.

Dende o Proxecto Auria Ourense apúntase o éxito do programa na súa edición do pasado ano, onde algunhas das persoas participantes lograron emprego a través de empresas colaboradoras ou no propio Servicio de Axuda a Domicilio do Concello de Ourense.

A inscrición poderase realizar entre o 1 e o 10 de setembro no Rexistro Xeral do Concello de Ourense, presentando a documentación necesaria, que se poderá descargar tamén dende: eiquí .

Para máis información, pódese consultar esta web ou o no teléfono 988222402