Auria Inserta é un proxecto de inserción socio-laboral que depende da Concellería de Economía, Facenda, Emprego e Promoción Económica do Concello de Ourense co-financiado polo Fondo Social Europeo, que responde á Estratexia Europea polo Emprego, a través da convocatoria 2007 de Subvención Global, cuxa finalidade é contribuír á xeración de emprego en concellos de máis de 50.000 habitantes.

Este proxecto pretende impulsar a actividade económica, lograr o incremento da taxa global de actividade e fomentar a creación de emprego estable e de calidade no municipio de Ourense.

Ten como obxectivo prioritario articular un sistema de integración socio-laboral que permita favorecer o acceso a un posto de traballo das persoas pertencentes ós colectivos máis vulnerables e con maiores dificultades de inserción ou reinserción laboral do Concello de Ourense, a traveso dun proceso de formación especializada.